समजदार चंपक
एका गावात चंपक राहत होता. गाव सुंदर होते. चंपकला गाव आवडायचे. चंपक मनाने चांगला आणि बुद्धीने हुशार होता.चंपकचे मामा शहरात राहायचे. तो मामाकडे शहरात शिकायला गेला. चंपक शिकुन मोठा झाला. चंपकला काम करायला आवडायचे. चंपकने नगरपालिकेची परवानगी मिळवली. मामांनी मदत केली. चंपकने हिराबागेजवळ केळीची गाडी उभी केली. पिवळीधमक, गोड केळी लोकांना आवडू लागली. एके दिवशी एका मुलीने केळी घेतली.
केळी खाऊन साल सडकेवर टाकली. मागून आलेले आजोबा सालीवरून घसरले,पडता-पडता सावरले. चंपक धावत मदतीला गेला. आजोबांना बाजूला नेऊन बसवले,पाणी दिले. चूक मुलीने केली; पण चूक आपलीच समजून चंपकने आजोबांची माफी मागितली. आजोबांनी शाबासकी दिली. चंपकने गाडीजवळ कचराकुंडी ठेवली. केळी खाऊन लोक साली कचराकुंडीत टाकू लागले. नगरपालिकेची कचरा गाडी कचरा नेऊ लागली. सडक साफ राहू लागली. चंपकला आनंद झाला.
मनोरंजक गोष्टी वाचा .
२७) ऐकावे जनाचे आणि करावे मनाचे
३९) अगं अगं म्हशी मला कुठे नेशी
Post a Comment