भेळ करू छान
.png)
"आई ...आई, करना गं भेळ"
"छे रे बाबा, मला नाही वेळ"
एवढे कसले नाराज होता
भेळ करू बघता बघता!
चुरमुरे घ्या कुरकुरीत
शेव पापडी चुरचुरीत
.png)
टोमॅटो, कांदा, कोथिंबीर
अगदी बारीक छान चीर!
पाणी...खजूर, थोडी चिंच
कालवून चटणी केली मस्त!
थोडं तिखट...थोडं मीठ
मिसळून टाका छान नीट!
गोल बसा...गालात हसा
वाटून घ्या..पसा...पसा!
बघता-बघता चट्टामट्टा
कागद नक्की डब्यात टाका!
- मंदाकिनी गोडसे
मनोरंजक गोष्टी वाचा .
२७) ऐकावे जनाचे आणि करावे मनाचे
३९) अगं अगं म्हशी मला कुठे नेशी
Post a Comment